Sorbische Oberschule Ralbitz

Domowy porjad Serbskeje wyšeje šule Ralbicy                                                        Ralbicy, 08.05.2023

Za zhromadne žiwjenje su trěbne prawidła. Domowy porjad ma k rjadowanemu wotběhej šulskeho dnja a k dobrej šulskej klimje přinošować. W našej šuli knježi tolerantna, wotewrjena a přećelna atmosfera, kotraž wšitkim šulerjam najlěpše wuknjenje a wšěm wučerjam najlěpše wuwučowanje zmóžnja.^[1]

Powšitkowne zasady

• Wobchadna rěč je serbšćina.
• Jako UNESCO-šula dźiwamy na naslědnosć, wotewrjenosć, wobswětowe kubłanje a imaterielne kulturne herbstwo.
• Wobchadźamy mjezsobu zdwórliwje a akceptujemy druheho.
• Smy disciplinowani, wobchadźamy wobhladniwje ze šulskim inwentarom a wobsydstwom druhich, wobškodźenja bjezsposrědnje wučerjej přizjewimy. Zadźeržimy a pohibujemy so měrnje a bjez honjenja po rjadownjach a chódbach.
• W šuli a na šulskej ležownosći njekurimy, njepijemy alkohol a njewužiwamy wopojenske srědki.
• Šmóratka a dalše na- a wothrawanske nastroje so w šulskich rumnosćach a na šulskej ležownosći njewužiwaja.
• Přeńdźenja přećiwo domowemu porjadej so po postajenjach chłostaja (na př. šmóratka smědźa so sćazać).

Wotběh dnja

• Přińdźemy dypkownje, na wučbu přihotowani a porjadnje zdrasćeni do šule.
• W šulskim twarjenju chodźimy w domjacych črijach.
• Čapki w šulskim twarjenju njenjesemy.
• Dźiwamy w zhromadnych garderobach ze zakładnej šulu na přistojny wobchad mjez šulerjemi a na priwatne wobsydstwo tamnych.
• Wučba započina so w 7.35 hodź a wučer zahaji a skónči hodźinu.
• Zamołwity šuler přizjewi falowacych šulerjow w sekretariaće a přizjewi, jeli fachowy wučer po 10 mjeńšinach njepřińdźe.
• Šulski inwentar nima so bjez wotrěčenja z wučerjom wužiwać (wokna, tafle, nastroje, atd.)
• Do techniskeho centruma podamy so jenož pěši a z dowolnosću zamołwitych wučerjow.
• Šulerjo wyšeje šule wužiwaja dwór před stadionom (wuplestrowana płonina).
• Z dowolnosću wučerja smědźa šulerjo zadnje, twjerde hrajnišćo sobu wužiwać.
  • Namołwam wučerjow a dohladowacych šulerjow 10. lětnika ma so slědować.
  • Do stadiona a šulskeje zahrody bjez dowolnosće njechodźimy.
• Při špatnym wjedrje rozsudźi dohladowacy wučer wo přebywanju w mjezychódbje.
• Na šulskej ležownosći je kulkowanje zakazane.
• Wot nalěća do nazymy je sportowanje (wolejbul, kopańca) na twjerdym hrajnišću při suchim wjedrje dowolene, w zymskim času nic.
• Po poslednjej hodźinje stajimy stólcy horje.
• Po šuli so při busu nastupimy a šulsku ležownosć wopušćimy.
• Kónc tydźenja so sportowe drasty sobu domoj wozmu.

^[1] Lěpšeje čitajomnosće dla wužiwa so jenož muska forma, kotraž płaći runočasnje za wšitke splahi.